Kryeministri Edi Rama ka zhvilluar ditën e sotme një takim me Kryesinë e Partisë Socialiste.
Raportohet se në mbledhje u diskutua mbi procesin e zgjedhjeve vendore të 30 qershorit, ndërsa bëhet me dije se në fund të korrikut Partia Socialiste do të mbledhë asamblenë.
“Do kemi mbledhje dhe analiza me asambletë e PS në çdo bashki. Diskutim për rezultatet zgjedhore dhe ecurinë e procesit të konstituimit të këshillave bashkiakë dhe kryetarëve të rinj. Pas këtij procesi do të ketë asamble të PS-së brenda korrikut.”
Po ashtu, Rama ka kërkuar të ketë diskutime për rezultatet zgjedhore dhe ecurinë e procesit të konstituimit të këshillave bashkiake dhe kryetarëve të rinj.
Kujtojmë se PS pritet të ngrejë ditën e hënë komisionin hetimor, që do të verifikojë shkeljet e presidentit Meta në caktimin e një dekreti të ri për mbajtjen e zgjedhjeve vendore.
