Kryetarja e LSI, Monika Kryemadhi, i ka drejtuar një letër disa institucioneve shtetërore, në veçanti kryeprokurorit Olsian Çela, ministres së Infrastrukturës dhe Energjitikës, Belinda Ballukut, kreut të KLSH Bujar Leskajt dhe Avokatit të Popullit, Erinda Ballanca, lidhur me grevën e punëtorëve në Poçem të Ballshit.
Kryemadhi shprehet se punëtorët s’kanë marrë 27 paga mujore dhe agjencitë shtetërore si dhe Ministria e Infrastrukturës dhe Energjisë, kanë lejuar me vetëdije këtë shkelje të të drejtave të njeriut.
Në letrën në fjalë, kryetarja e LSI-së vë në dukje se punonëjsit janë tashmë në një grevë urie prej katër ditësh, dhe situata është tejet e rëndë. Ajo nënvizon ndër të tjera se jemi përpara një momenti ku shkelja e ligjeve dhe të drejtave bazë të punonjësve janë flagrante.
