Zbardhet formulari i plotësuar nga Lulzim Berisha për deklarimin e pasurisë së tij.
Formulari iu dorëzua atij ditën e djeshme nga forcat speciale të Operacionit ‘Forca e Ligjit’. Në dokumentin e zbuluar, Lul Berisha shprehet se nuk ka asnjë pasuri të paluajtshme të regjistruar në emrin e tij.
Sipas tij, ato i janë konfiskuar nga shteti me vendim gjykate në 2010. Në formular, Berisha thotë se posedon:
-Një bar kafe, të cilin e ka me qira që prej 5 janarit 2018
-Dy autoboteve që furnizon me karburant anijet në port
-Një makinë tip BMW të blerë 1 milion lekë të reja në 2019
-40 % të aksioneve në kompaninë REJAN, të cilën e ka në bashkëpronësi me motrën e tij Luljeta Berisha dhe Enkejleda Shoshi, e cila merret me furnizimin me karburant të anijeve të peshkimit.
