Bashkëshortët prokurorë, Rovena Gashi dhe Dritan Gina, të cilët u pezulluan nga detyra nga kryeprokurorja Arta Marku, kanë fituar betejën gjyqësore. Mësohet se çifti ka fituar gjyqin në Gjykatën Administrative të Apelit, për t’u rikthyer në punë. Tashmë pas një beteje mediatike por edhe ligjore me Markun, dy prokurorët e shkarkuar do të rikthen në punë.
Gashi-Gina ishin pezulluar nga detyra nga Arta Marku, pas akuzës për “refuzim për deklarim”, “fshehjes së pasurisë” dhe “deklarimit të rremë të pasurinë nga prokuroria e Durrësit”.
Por vendimi i Apelit u ka dhënë të drejtë atyre, duke shfuqizuar vendimin e kryeprokurores. Për rrjedhojë, ata duhet të rikthehen në detyrë, dhe shpenzimet e gjyqit i ngarkohen Prokurorisë së Përgjithshme.
