Presidenti i SHBA-ve, Donald Trump dhe homologu i tij rus, Vladimir Putin, kanë zhvilluar një bisedë telefonike ditën e djeshme.
Kjo është hera e tretë që dy presidentët zhvillojnë një bisedë telefonike që kur Trump u zgjodh në krye të SHBA-ve, ndërsa Shtëpia e Bardhë ka zbardhur bisedën mes tyre.
Në deklaratën e kësaj të fundit, thuhet se u zhvillua një “bisedë e mirë”, ku dy liderët kanë biseduar për luftën në Siri, për “punën e përbashkët për të zhdukur terrorizmin në Lindjen e Mesme” dhe “për të zgjidhur më së miri situatën shumë të rrezikshme në Korenë e Veriut”.
Gjithashtu, në deklaratë njoftohet se Uashingtoni do të dërgojë përfaqësues në bisedimet e paqes për Sirisë, që do të mbahen më 3 dhe 4 maj në Astana të Kazakistanit.
Ndërkohë, Kremlini ka thënë se dy liderët kanë koordinuar veprimet e të dyja shteteve në luftën kundër terrorizmit.
