Ministri në Detyrë për Evropën dhe Punët e Jashtme Gent Cakaj ka zhvilluar një takim me Drejtorin e Zyrës së Sigurisë së NATO-s, Donald Gonneville.
Në fokus të bisedimeve të takimit ishte rëndësia e unitetit të Aleancës përballë çështjeve si terrorizmi apo kërcënimet hibride. Në një status të postuar në rrjetin social Facebook, ministri Cakaj ka pohuar se përmbushja e këtij synimi kërkon angazhim të shtuar të gjithë vendeve anëtare të Aleancës.
“Shqipëria do të arrijë objektivin e përcaktuar në Samitin e Brukselit për ndarjen e 2% të GDP-së për shpenzimet në fushën e mbrojtjes deri në vitin 2024”, shkruan Cakaj.
