Zbardhet ngjarja e ndodhur ditën e djeshme në lagjen “11 Nëntori”, Elbasan, ku mbeti i plagosur me armë zjarri Xhon Rusta. Policia ka identifikuar dhe shpallur në kërkim autorin e dyshuar të ngjarjes, si dhe ka zbuluar edhe dinamikën e ngjarjes.
NJOFTIMI I PLOTE:
Si rezultat i hetimeve paraprake të kryera nga Specialistët e Seksionit për hetimin e Krimeve ndaj Personit në DVP Elbasan, kqyrja e kamerave dhe informacionet e marra në rruge operative, rezultoi se ngjarja ka ndodhur te rruga e” Konvikteve” në lagjen “11 Nëntori “, ku autori i dyshuar është shtetasi J.S, i cili është shpallur në kërkim.
Po nga veprimet e kryera rezultoi se autori dhe i plagosuri udhetonin veç e veç me automjete dhe si rezultat i nje konfikti të çastit shtetasi J.S ka qëlluar menjeherë me armë zjarri pistolete nga mjeti i tij në drejtim të mjetit të shtetasit Xh.R.
Në vendngjarje në cilësinë e provës materiale është sekuestruar një gëzhojë.
I plagosuri është jashtë rrezikut për jetën.
Shtetasi Xh.R është person me precedentë penal në fushën e Krimeve kundër personit dhe ka qënë i dënuar më parë për plagosje me armë zjarri.
Matrialet hetimore iu referuan Prokorisë së Rrethit Gjyqësor Elbasan për veprime të mëtejshme për veprën penale “Vrasja me dashje, mbetur në tentativë ” si dhe “Prodhimi dhe mbajtja pa leje e armëve luftarake dhe e municionit”.
Vijon puna për zbardhjen e plotë të rrethanave të ngjarjes, implikimit ose jo të personave të tjerë në këtë ngjarje si dhe për kapjen e arrestimin e autorit
