Ish-kryeministri Sali Berisha, në statusin e radhës ka publikuar të dhëna sipas tij, të komunikimeve telefonike të kryeministrit Rama me Behar Bajrin, një nga anëtarët e grupit kriminal të Shkodrës, pjesëtarë të të cilit u arrestuan nga policia. Sipas Berishës, bisedat zhvillohen për mbrojtjen e Safet Bajrit në mediat pro qeveritare, i cili rezulton si një nga personat më të kërkuar në Belgjikë.
Ditën e shtunë, policia bëri publike finalizimin e operacionit që goditi fisin Bajri në Shkodër. Banda akuzohet për një sërë veprash penale, mes tyre ajo më e rënda është e vrasjes së kryer në bashkëpunim. Një nga të tmerrshmit e bandës është Behar Bajri.
Në statusin e ndarë me të gjithë qytetarët në Facebook, thuhet se me urdhër të Behar Bajrit emërohet çdo drejtor apo prefekt, çdo punonjës policie në Shkodër. Sipas tij, Rama është i detyruar ta bëjë këtë, si shpërblim për votat që ka marrë nga kjo familje.
