Dalin të tjera detaje në lidhje me vrasjen e 47-vjeçarit, Kastriot Reci, në Rrëshen.
Ekzekutimi i tij u bë nga tarraca e një pallati me një distancë rreth 150 metra. 47-vjeçari ka ndërruar jetë në vend pasi është qëlluar me plumb në zemër.
Raportohet se pas ekzekutimit, autori ka zbritur nga pallati dhe është larguar me shpejtësi nga vendi i ngjarjes. Mësohet se ai ka hedhur armën e krimit në katin e parë të pallatit nga ku autori qëlloi.
Arratisja e tij është filmuar nga kamerat e sigurisë, ndërsa autori ka qenë i maskuar. Gruaja e 47-vjeçarit, i cili ishte bashkëpronar i një televizioni lokal mohoi që ai të ketë pasur konflikte me persona të tjerë.
