Kryetari në detyrë i Gjykatës së Lartë, Xhezair Zaganjori ka folur për situatën në të cilën ndodhet Gjykata e Lartë.
Në një deklaratë për mediet, Zaganjari është shprehur se ka dosje urgjente të cilat ende nuk janë zbardhur, ndërsa shtoi se trajtimi i këtyre çështjeve duhet të zgjidhen sa më shpejtë. Po ashtu, ai theksoi se iu ka dhënë urdhër të gjithë gjyqtarët që të merren kryesisht me çështjet me rëndësi.
“KLGJ merret me këtë problem. Po mendojnë të shpejtojnë procedurat për emërimin e gjyqtarëve të rinj, të paktën të atyre që vinë jashtë gjyqësorit, 4 ose 5, në mënyrë që të fillojë të paktën trajtimi i çështjeve urgjente. Duhet të kenë shkuar rreth 32 mijë dosje. Të gjithë këshilltarët i kam kërkuar të trajtojnë çështjet urgjente, psh nëse ka ekstradim kur të vijë dosja të jetë gati. Çështje urgjente janë masat e sigurisë, konflikte juridiksioni, kompetence, pezulime mund të bëhen disa qindra”, deklaroi Zaganjori.
