Kreu i LSDM-së, Zoran Zaev dhe kryetari i VMRO-së, Nikolla Gruevski do të paraqiten nesër në Gjykatën Penale në Shkup. Dy krerët e partive më të mëdha në vend akuzohen për çështje të ndryshme; Zaev është i akuzuar për marrje ryshfetit, ndërsa Gruevski, jep llogari për nxitje të dhunës, në lidhje me incidentin e shkaktuar ndaj ish-kreut të Komunës Qendër, Andrej Zhernovski, në vitin 2013.
Gjykatësja Tatjana Mihajllova disa herë i shtyn seancat gjyqësore për shkak të mungesës së të akuzuarve, ndërsa shtyrje kishte edhe për shkak se lënda dhe të dhënat ishin në Gjykatën e Apelit për dënimet e prokuroreve të PSP-së, Katica Janeva dhe Fatime Fetai.
Ashtu si është dëshmuar deri më tani dy krerët e partive ia kanë hedhur drejtësisë. Të shohim nëse gjykata e Shkupit do të veprojë më po të njëjtin standard si veproi me rastin e grupit Kumanova. Në media është folur shumë se ky proces gjyqësor është i montuar politikisht. Ndaj të shohim si do të sillet gjykata ndaj Zaev dhe Gruevskit. Deri tani ka treguar që drejtësia në Maqedoni funksionon në bazë të interesave publike.
