Për shkak të një defekti në kabinën private “Bruci” ku janë djegur automatet, kanë mbetur pa energji pjesërisht zona e Unazës së Re dhe një pjesë e Yzberishtit.
“Brigadat e OSHEE vijojnë intensivisht punën për riparimin e defektit në kabinën private pranë Yzberishtit. Avaria në këtë kabinë shkaktoi probleme me fiderin tension i mesëm”, njofton OSHEE.
Gjatë punimeve për riparimin e rrjetit, mësohet se ka pësuar dëmtime një punonjës i OSHEE. Punonjësi ndodhet nën kujdesin e mjekëve në spital, dhe është jashtë rrezikut për jetën.
“Aktualisht po bëhen manovrimet përkatëse, për rikthim të shpejtë të furnizimit me energji elektrike”, njofton OSHEE.
