YouTube është duke punuar kundër TikTok, aplikacioni shumë i njohur ndër më të rinjtë që ju lejon të krijoni dhe shkëmbeni video të shkurtra. Ai do të quhet ‘Shorts’ dhe do të jetë në dispozicion të përdoruesve brenda vitit.
‘Shorts’ nuk do të jenë një aplikacion më vete, por një hapësirë brenda YouTube kushtuar videove me kohëzgjatje të shkurtër.
Ndër pikat e forta të kompanisë së Google, përveç faktit që kanë më shumë se dy miliardë përdorues aktiv në baza mujore, gjithashtu edhe faktin e vënies në dispozicion për ata që do te krijojnë videot, katalogun e gjerë të këngëve të YouTube Music, që do të përfshihen në filmime.
YouTube nuk është i vetmi gjigant që po përpiqet të ndjekë pas TikTok. Në nëntor Instagram lançoi “Reels” në Brazil, një funksion për të krijuar video 15 sekondash me fonogram.Dhe gjithashtu në Brazil, Facebook po teston Lasso, një aplikacion të ri për të publikuar video ku vallëzoni ose sinkronizoni buzët me këngët e fundit.
