Liverpool ka mposhtur PSG-në në ndeshjen e parë të fazës së grupeve në Champions League. Një ndeshje me shumë emocione dhe me plotë 5 gola u zhvillua në “Anfield”. Ishte pikërisht i dëmtuari, “njeriu me një sy”, Firmino ai që shënoi golin e fitores në fundin e takimit, për ti dhuruar tre pikët e para skuadrës së tij.
Ndeshja nisi mjaft mirë për “The Reds”, të cilët hidhen në sulm dhe vënë në provë në çdo aksion portierin Areola, ku dhe mbrojtja e parisienëve nuk është e sigurt. Është Sturridge që shënon golin e parë të takimit në minutën e 30’, ndërsa vetëm 6 minuta më pas është Minler që dyfishon nga pika e bardhë e penalltisë.
Parisienët përpiqen që të organizohen në sulm me Neymar, Di Maria, Mbappe dhe Cavani por është mjaft e vështirë. 5’ minuta para përfundimit të pjesës së parë është belgu Munier që shënon një gol mjaft të bukur që rihap ndeshjen dhe i jep besim PSG-së.
Pjesa e dytë nis në të njëjtin ritëm, por PSG fiton më shumë terren dhe shfaqet mjaft e rrezikshme. Pas shumë aksioneve të cilat nuk konkretizohen si duhet, në minutën e 83’ është Kylian Mbappe që barazon rezultatin dhe në “Anfield” kaplon heshtja.
Kur u mendua se ndeshja mbaroi në barazim, është Boby Firmino që shfaqet në zonë dhe me mjaft klas gjenë golin e avantazhit në minutën e 92’. Ndeshja tjetër e grupit C mes Crvena Zvezdas dhe Napolit është mbyllur në barazim pa gola. Të besuarit e Ancelottit nuk kanë arritur të përfitojnë nga përballja e dy të mëdhave që ka në grup për të marrë tre pikë që mund të rezultonin decizive.
Në grupin Dortmund ka fituar në transfertën me belgët e Club Brudgge. Një gol ka mjaftuar që gjermanët të marrin fitoren në një ndeshje që dukej e lehtë në letër, por që rezultoi mjaft e vështirë. Ndërsa Atletico Madrid ka mposhtur Monacon në Francë me rezultatin 1-2, të besuarit e Simeones kanë marrë kreun e grupit me një përmbysje ndaj Monacos.
Në grupin D, Schalke ka barazuar 1-1me Porton, ndërsa Galatasaray ka mposhtur Lokomotivën e Moskës me rezultatin e thellë 3-0 në Turqi.
