Vetëm një ditë pas zhvillimit të zgjedhjeve parlamentare zëvendës-ndihmësi Amerikan i shtetit Hoyt Brian Yee mbërrin në Tiranë.
Yee do të takojë kryeministrin Rama dhe Basha ditën e hënë, gjë e cila tregon shumë mbi zhvillimin politik të vendit pas zgjedhjeve të ditës së sotme.
Zëvendësndihmësi amerikan i shtetit Hoyt Brian Yee ishte në Tiranë rreth 2 muaj më parë, kur bëri të mundur marrëveshjen e 18 majit midis kryeministrit Rama dhe kryeopozitarit Basha.
Në atë kohë Yee erdhi me detyrën e negociatorit pas dështimit të negociatave që Kryeministri Rama dhe kryedemokrati Basha zhvilluan me zëvendëspresidentin e PPE-së McAllister më 24 prill të këtij viti.
