Policia e Tiranës njoftoi ditën e djeshme se 97 drejtues automjetesh u proceduan për shkak të xhamave të errët.
Ndërkohë, Drejtoria e Përgjithshme e Transportit Rrugor shqiptar, që drejtohet nga Blendi Gonxhe, ka ndërmarrë disa reforma dhe iniciativa që lehtësojnë procedurat e drejtuesve të mjeteve. Një ndër to është dhe kjo e xhamave të pasëm të autoveturave.
“Xhamat e pasëm të autoveturave (sipas figurës dhe rekomandimit UN-ECE) mund të errësohen, materiali xham ose edhe me qese/film, deri 75%, si e drejtë e cdo zotëruesi mjeti! Mjafton që errësimi të jetë kryer profesionalisht nga prodhuesi ose një servis i liçensuar, me materiale të çertifikuara të tregut dhe me faturën përkatëse! Gjithashtu për xhamat e pasëm lejohen grilat origjinale të mjetit! Errësimi ul rrezikun kancerogjen nga rrezet UV/IR, ul konsumin dhe ndotjen! DPSHTRR do ofrojë më shumë informacion online në ditët në vijim”, shkruan Gonxhe.
