Ministri i Brendshëm Fatmir Xhafaj u takua sot me kryeprokuroren e Përgjithshme Arta Marku ku nënshkruan dhe një memorandum bashkëpunimi. Në takim ishte edhe Ardian Xholi, drejtori i hetimit gjyqësor.
Ndërkohë që për media u bë publike dhe marrëveshja e firmosur sot mes Ministrit te Brendshëm, Fatmir Xhafaj dhe kryeprokurores Arta Marku për luftën kundër krimit të organizuar.
Takimi mes tyre është zhvilluar në zyrën e Markut dhe ka zgjatur 50 minuta, në përfundim të të cilit është dalë edhe me një marrëveshje te firmosur dy palëve. Secili prej institucioneve ka të përcaktuar detyrat e veta në funksion të këtij qëllimi.
Takimi vjen pas deklaratës së fortë të ministrit të Brendshëm, Fatmir Xhafaj për 41 grupe kriminale në vend dhe kjo çështje ka qenë temë diskutimi mes tyre për bashkëpunimin mes dy institucioneve.
Pasi përfundoi takimi, e dalje teksa u pyet nga gazetaret se kur do te nise arrestimi i “peshqve te mëdhenj”, ka deklaruar shkurt: Kini durim.
Dy ditë me parë, ambasadori Lu beri një deklarate të fortë, teksa i kërkonte llogari Politikanëve, policëve dhe prokurorëve se ku janë rezultatet në luftën kundër krimit të organizuar dhe korrupsionit.
