Ministrja e Mbrojtjes, Olta Xhaçka, ka njoftuar se është ndarë nga jeta në moshën 57-vjeçare kolonel Neshat Shena, njëherazi komandant i Qendrës së Bashkuar Operacionale.
Përmes një postimi në Facebook, Xhaçka shprehet se koloneli vuante prej kohësh nga leukemia akute.
Kolonel Shena ka një karrierë 35-vjeçare në forcat ushtarake dhe sistematikisht është përgëzuar për kontributin e dhënë në aspektin njerëzor e profesional.
Njoftimi i plotë:
Pas një beteje të vështirë me një sëmundje të rëndë, kolonel Neshet Shena, komandanti i Qendrës së Bashkuar Operacionale, u nda nga jeta duke lënë në hidherim familjen dhe të gjithë ata që e njohën dhe punuan me të, në 35 vite të karrierës në Forcat e Armatosura. Mirënjohje pa kufi për kontributin njerëzor e profesional të një prej oficerëve më të përkushtuar në FA. Ngushëllimet më të ndjera bashkëshortes e dy djemve.
U prehsh në paqe, kolonel Shena.
