Një amerikan në Wuhan është i huaji i parë që ka ndërruar jetë nga koronavirusi në Kinë. Lajmi u bë i ditur nga autoritetet kineze. Vetëm pak orë më parë është shënuar edhe i huaji i dytë që ndërron jetë në Ëuhan. Bëhet fjalë për një Japonez, i cili ishte i shtruar në një nga spitalet e Wuhanit.
Deri tani numri i viktimave ka arritur në 724, sakaq 84 prej tyre u shënuan në 24 orët e fundit. Pritet që shumë shpejt numri i viktimave të tejkalojë numrin e viktimave të SARS-it që ishte 774 raportuar botërisht.
Amerikani 60-vjeçar vdiq në spitalin Jinyintan në Wuhan, bëri të ditur një zëdhënës i ambasadës së Shteteve të Bashkuara. “Familjes i shprehim ngushëllimet për këtë humbje. Për shkak të respektit për privatësinë e familjes, nuk kemi komente të tjera”, tha ai.
Deri tani në gjithë botën janë raportuar rreth 35 mijë të infektuar nga virusi misterioz kinez, teksa numri i viktimave po rritet afërsisht me 50-90 persona në ditë.
