Teksa në Itali, Spanjë e SHBA aktualisht po bëhet kërdia me viktimat dhe të infektuarit, nga ana tjetër, Wuhan-i ka dalë plotësisht nga izolimi.
Wuhan-i që ka qenë edhe epiqendra e koronavirusit, tashmë i është rikthyer jetës normale. Shumë qytetarë iu drejtuan trenave të parë, për t’u larguar nga vendet në të cilat ishin bllokuar që prej 23 janarit, atëherë kur nisi izolimi i qytetit.
Po kështu janë rihapur të gjitha aktivitetet tregtare, dyqanet, restorantet, kafenetë.
Sikundër ka nisur transporti rrugor, hekurudhor, detar dhe ajror. Wuhan-i ia doli të mposhtë koronavirusin, pas masave të ashpra që ndërmori.
