Deontay Wilder pritet të zhvillojë përballjen që e kërkuar kaq shumë kohët e fundit, me kampionin anglez të peshave të rënda anglezin, Anthony Joshua. Në momentin që menaxherët e të dy boksierëve kanë filluar bisedimet për të caktuar një duel mes tyre, që me shumë gjasa do të zhvillohet në vitin 2018, Wildder ka vendosur kushtet e tij për këtë përballje. Ai ka kërkuar që fitimet që do të sjellë kjo përballje të ndahen në mënyrë të barabartë, ndryshe ai nuk do të zbresë në ring. Po ashtu ka bërë kërcënime të hapura për kundërshtarët e tij që jo vetëm to ti mund, por nga goditjet e shumta dhe të forta do të kenë probleme në tru he s’do ta mbajnë mend duelin.
“Unë nuk do të pranoj më pak se 50% të të ardhurave nga kjo sfidë. Fitimet ndahen 50-50 dhe kjo është çështje e mbyllur. Nuk më intereson se çfarë ka bërë Joshua në vendin e tij, jam unë ai që duhet të mposhtet dhe këtë gjë e dinë të gjithë”, tha Wilder për mediat, pas përfundimit të raundit të parë të bisedimeve.
/cdn.vox-cdn.com/uploads/chorus_image/image/57474923/870337106.0.jpg)
Më tej, amerikani shtoi: “Të gjithë e dinë që unë jam më i miri, por ata kanë frikë, pasi jam makthi i tyre, ëndrra e tyre më e keqe. Sfida ime me Joshua do të jetë përballja më e madhe e boksit e vitit të ardhshëm”, tha Deontay Wilder, që një javë më parë mbrojti titullin kampion bote, pas fitores me “KO” në raundin e parë ndaj Bermane Stiverne. “Fitoret e mia janë të ëmdha, boksierët do të mbyllin karrierën pas sfidave me mua. Unë u shkaktoj dëmtime në tru, aq sa ata nuk e mbajnë më mend se çfarë ndodhi në atë duel”, u shpreh Wilder, i pamposhtur në ring. Ditët e fundit, menaxherët e dy boksierëve kanë nisur bisedimet për të zhvilluar vitin e ardhshëm duelin që unifikon titujt kampionë bote në peshat e rënda.
