“ATP Championship” është evinti i fundit për meshkuj që do të mbahet këtë vit. Në finale do të jetë numri 2 në botën e tenisit, Roger Federer. I cili është shpallur 6 herë kampion i këtij çmimi dhe këtë herë i shanset reale për ta mbyllur vitin me një trofe. Por është mundur edhe 4 herë në finalet e këtij kompeticioni, ku tre humbje ia ka shkaktuar serbi, Novak Djokoviç. Ky është një plus mjaft i mirë për Federer, pasi Djokoviç vuan një dëmtim dhe këtë vit nuk ka marrë pjesë në eventet e tenisit.
“Ndihem në formë, pasi këtë vit nuk kam luajtur aq shumë si dikur. Mendoj se këtë vit kam më shumë shanse për ta fituar këtë event, pasi nuk është Djokovic, që ka dominuar sezonet e fundit”, tha Federer.
Numri 2 në botë shpreson në një tjetër finale ndaj rivalit kryesor Rafael Nadal, që nuk është në formën optimale pas dëmtimit dhe tërheqjes në Masterin e zhvilluar në Paris. “Rafa ka patur një sezon fantastik dhe pavarësisht probleme ka ardhur në Londër. Unë shpresoj që të luajë dhe të përballemi sërish në finale”, tha Federer, që këtë vit ka triumfuar në dy grand sleme, Australian Open dhe Wimbledon. “Ka qenë një vit pozitiv, një rikthim i mirë për mua, ndaj shpresoj që ta mbyll me një triumf këtë vit. Do të jap maksimumin edhe pse nuk ka për të qenë e lehtë, pasi në këtë turne luajnë më të mirët dhe një gabim apo humbje të kushton shumë”, u shpreh Federer.
