Presidenti serb, Aleksandër Vuçiç nuk bën hapa pas. I ftuar në emisionin “Tema e Parë”, ai ka bërë me dije edhe njëherë qëndrimin e tij lidhur me shtetin e Kosovës.
Në fjalën e tij, Vuçiç është shprehur se për sa kohë ai të jetë presidenti i Serbisë, nuk do të njihet pavarësia e Kosovës.
“Deri në prill 2022, nuk do të ndodhë. Nuk e njoh sa të jem president, Kosovën si shtet. Pastaj do të shohim,”- tha Vuçiç.
Serbia dhe Kosova janë në dialog të vazhdueshëm që rinisi këtë vit, dhe një nga kërkesat e palës shqiptare është pikërisht njohja e ndërsjelltë, por Vuçiç thotë se të paktën edhe për dy vite nuk do të ndodhë.
