Presidenti i Serbisë, Aleksandër Vuçiç ka lënë të kuptohet se Beogradi mund ta njohë Kosovën si shtet të pavarur.
Në një intervistë për agjencinë italiane të lajmeve, ANSA, Vuçiç u shpreh se nuk mund ta njohin Kosovën pa fituar asgjë, ndërsa shtoi se me ndihmën e Rusisë, Amerikës, Kinës dhe vendeve të tjera, mund të arrihet një zgjidhje mes dy palëve.
“Së pari, duhet të gjejmë kompromisin. Nuk mund ta njohim Kosovën pa fituar asgjë. Jam i sigurt se me ndihmën e miqve evropianë dhe me mbështetjen e Rusisë, Amerikës, Kinës dhe vendeve të tjera, mund të arrijmë një zgjidhje”, deklaroi Vuçiçi.
