Sot është hapur zyrtarisht në Beograd, Panairi Ndërkombëtar i Armëve dhe Pajisjeve Ushtarake 2021, në prani të presidentit të këtij vendi, Aleksandar Vuçiç. Sipas tij, Serbia do të vazhdojë të forcojë ushtrinë e saj, dhe të zhvillojë më tej industrinë mbrojtëse.
Në fjalën e tij, Vuçiç nënvizoi se “dihet botërisht se Serbia promovon paqen dhe stabilitetin”.
Në ceremoninë e hapjes, ai prezantoi automjetin e ri luftarak shumëfunksional “Lazanski”, i cili u emërua sipas ambasadorit serb të ndjerë së fundmi në Moskë, gazetarit dhe analistit ushtarak, Miroslav Lazanski.
“Në botën e interesave, nuk ka bamirësi për të dobëtit, por respekt për të fortët. Dhe kjo është arsyeja pse është e rëndësishme të zhvillohet industria e mbrojtjes”, tha kreu i shtetit serb.
