Kryeministri i Britanisë, Boris Johnson është dërguar ditën e sotme për kontroll në spital. Vizita e tij në spital vjen 10 ditë pasi Johnson u konfirmua me koronavirus.
BBC raporton se kryeministri britanik vuan ende nga simptomat e sëmundjes dhe do t’i nënshtrohet testeve si një masë paraprake.
Johnson është shtruar për kontrolle në spital, me këshillën e mjekut të tij personal.
“Ky është një hap paraprak, pasi Kryeministri vazhdon të ketë simptoma të vazhdueshme të koronavirusit dhjetë ditë pas testimit pozitiv për virusin.
Kryeministri falënderon stafin e NHS për të gjithë punën e tyre të jashtëzakonshme dhe i kërkon publikut të vazhdojë të ndjekë këshillat e qeverisë për të qëndruar në shtëpi, për të mbrojtur NHS dhe për të shpëtuar jetë”, tha përfaqësuesi i zyrës së kryeministrit.
