Skënder Krasniqi është shpallur fajtor për vrasjen e djalit, dhe është dënuar me 3 vite e 5 muaj burg. Gjykata Themelore në Prishtinë ka shpallur aktgjykimin kundër të akuzuarit Skënder Krasniqi, për veprën penale “Vrasja nga pakujdesia” nga neni 175 të Kodit Penal të Republikës së Kosovës.
I akuzuari është shpallur fajtor, dhe është dënuar me burgim me 3 vite e pesë muaj. Koha e kaluar nën masën e paraburgimit për të pandehurin, do të llogaritet në dënimin e shqiptuar me burgim prej datës 27.01.2021.
Vrasja e Albert Krasniqit nga babai i tij, Skënderi, tronditit Prishtinën. Biznesmeni i ndërtimit, Skënder Krasniqi qëlloi me armë zjarri të birin, duke i marrë jetën, ndërsa më pas ka njoftuar vetë Policinë e Shtetit, në mënyrë që ta prangosnin.
Alberti ishte personazh i njohur i showbizz-it shqiptar, për shkak të lidhjeve të tij me figurat publike.
