Dashamir Xhepa, i cili akuzohet se vrau kunatën e tij dhe më pas e hodhi në liqenin e Sharrës, është dënuar me burgim të përjetshëm.
Ngjarja e rëndë ndodhi në shkurt të vitit 2019. Vendimin final për Xhepën e ka dhënë Gjykata e Tiranës, pasi trupa gjykuese ka pranuar kërkesën e prokurorisë që Xhepa të mbyllej në qeli përjetë për krimin e bërë.
Xhepa u arrestua 13 ditë pas vrasjes së kryer, në një hotel në Peshkopi, ndërsa efektivët e policisë ishin kamufluar si klientë.
Lirie Xhepa, u gjet e pajetë në liqenin e Sharrës në Tiranë. Gruaja ishte dhunuar dhe qëlluar me 2 plumba në trup, dhe më pas ishte hedhur në liqen.
Dyshohet se ngjarja ka ndodhur për shkak të një konflikti për pronat, që kishte nisur prej disa vitesh me dy familjeve.
