Babis Anagnostopulos u vu në pranga, pasi mbyti bashkëshorten dhe u mundua ta fshihte krimin, duke sajuar një grabitje. Piloti vrau gruan, pasi kjo e fundit i kishte kërkuar divorcin. Ai rrëfeu një histori të sajuar ku përfshiu dhe shqiptarët, por më vonë u zbulua se personi që qëndronte pas krimit të rëndë ishte vetë 32-vjeçari.
Nëna e Babis Anagnostopulos që vrau gruan e tij Caroline, në shtëpinë e tyre në Glyka Nera, një krim që tronditi gjithë Greqinë, ka thyer heshtjen e saj.
Foshnja e Carolines është rritur me gjyshen e saj muajt e fundit, dhe familja e autorit e sheh fëmijën për disa ditë, pasi Prokuroria e të Miturve i dha kujdestarinë prindërve të viktimës.
“Siç dikton urdhri i prokurorit, ne e shohim fëmijën tonë 5 ditë në muaj, në fund të çdo muaji. Procesi respektohet nga të dyja palët, dhe secila familje përpiqet t’i japë kohën që i duhet familjes tjetër”, thotë nëna e Babis Anagnostopoulos.
Burimi i lajmit: CNN. Përshtatur nga Tirana Today
