Diktatori sovjetik Stalini, ishte një nga vrasësit masivë më të mëdhenj që ka njohur historia. Por ai vetëm firmoste, ndërsa ekzekutimet kryheshin nga xhelatët e tij, dhe njeriu i tij më i besuar ishte Vasili Blokin.
Një përbindësh me pamje njeriu, që mendohet se ka vrarë gjithsej 20 mijë njerëz, një rekord absolut. Blokin ekzekutoi me dorën e tij 7.000 polakë në Pyllin e Katinit brenda 28 ditësh.
Ai punonte gati pa ndërprerje çdo natë, duke vrarë mesatarisht 300 njerëz, me nga një plumb pistolete pas koke. Zakonisht ekzekutuesit jetonin nën një lloj torture mendore. Ata takonin rrallë familjarët e tyre, dhe shpesh deheshin për të harruar vrasjet që kryenin. Blokin preferonte çajin e nxehtë, para dhe pas ekzekutimeve që kryente.
Për vrasjet në Katin u dekorua nga Stalini me Urdhrin e Flamurit të Kuq. Pas vdekjes së Stalinit më 1953, u detyrua të tërhiqej. Një kombinim i pijeve dhe çmendurisë, thuhet se çoi në vdekjen e tij 2 vjet më vonë. Shkaku i vdekjes u klasifikua zyrtarisht si vetëvrasje.
TIRANA TODAY
