Një 20-vjeçar, i cili vuante dënimin në burgun e Shën Kollit, i ka dhënë fund jetës. Ai është gjetur i varur në godinën 4 në dushet e burgut, ndërsa mësohet se i riu i ka dhënë fund jetës me çarçaf.
I riu që është vetëflijuar quhet Florian Kodra dhe është nga Shkodra, ndërsa trupi i tij ka mbërritur në morg në pritje të ekspertizës përkatëse.
Historia e arrestimit të Kodrës, ra në burg pas sherrit me burrin xheloz
Florian Kodra ka plagosur me armë Nazmi Topuzin pas një konflikti mes tyre. Por, si lindi sherri që coi në arrestimin e 20-vjeçarit?
Topuzi prej 2-3 vitesh jetonte në Theth te shtëpia e gruas së tij dhe familjarët e saj i kishin dhënë për të menaxhuar një biznes familjar të tyre. Topuzi dyshonte se 19-vjeçari i ngacmonte atij gruan 48- vjeçare.
Florian Kodra kishte shkuar në shtëpinë e të plagosurit për të mjekuar kërthizën nga vjehrra e tij (mjekim popullor), por Nazmi Topuzi, pasi ka mbaruar punën në biznesin familjar që menaxhon në Theth, është kthyer në shtëpi dhe aty ka gjetur të riun. 19-vjeçari është munduar që t’i shpjegojë arsyet se përse kishte shkuar në shtëpinë e tij, por aty ka nisur debati.
I riu i ka mohuar akuzat që i ka bërë Nazmi Topuzi për gruan e tij, por ai nuk është bindur dhe i irrituar ka debatuar duke shkuar gati në përleshje mes tyre. Pak ditë pas këtij debati të pasqaruar mes tyre, 19- vjeçari në orët e mëngjesit të 21 prillit e ka ruajtur 49- vjeçarin dhe sapo ka dalë në oborrin e shtëpisë së vjehrrit të tij, shtetasit Gjovalin Djerri, e ka qëlluar me katër plumba me armë zjarri automatik.
Topuzi ka marrë dy plumba, duke u plagosur rëndë, ndërsa gruaja e tij ka dëshmuar për debatin.
Kodra e ka pranuar krimin, por nuk ka dhënë arsye për ngjarjen e ndodhur.
Njoftimi i policisë:
Në lidhje me ngjarjen e ndodhur në fshatin Theth Shkodër me datë 21.04.2016 rreth orës 06:45, ku është plagosur me armë zjarri shtetasi me iniciale N.T 49 vjeç, banues në Tiranë, i cili ndodhej në fshatin Theth pasi jetonte në shtëpinë e bashkejetueses së tij shtetases me iniciale D.D, 48 vjeçe ju informojme se:
Nga veprimet e kryera nga grupi hetimor rezultoi se ne trupin e të dëmtuarit u konstatohen dy dëmtime të shkaktuara me armë zjarri , ku si pasoje edhe pas ndihmës së marrë mjekesore vazhdon të jetë në gjendje të rëndë shëndetësore ne spital.
Policia ka sekuestruar në cilësinë e provës materiale: 4 (katër) gëzhoja , model 56 kalibri 7.62 mm. Si rezultat i veprimeve të shpejta operative e hetimore u bë e mundur identifikimi dhe kapja në flagrancë e autorit të ngjarjes, shtetasit Florian Kodra , 19 vjeç banues në Thethë Shkodër.
Këtij shtetasit iu sekuestrua arma e krimit automatiku kallshnikov. Shkaku i plagosjes per motive te dobeta”, sqaron policia.
Materialet i kaluan Prokurorisë për veprën penale “Vrasje me paramendim e mbetur në tentativë” dhe “Prodhim dhe mbajtje pa leje e armëve luftarake e municionit” , Neni 78-22 , e 278 i Kodit Penal. TIRANA TODAY
