Një sherr që ka ndodhur mes fqinjëve për vjedhje lekësh, ka përfunduar me vrasjen e një 55-vjeçari në Shkodër. Ngjarja e rëndë ka ndodhur dje, rreth orës 19:00, në vendin e quajtur “Ura e Thive”. Shtetasi Alfred Pëllumbi, rreth 30-vjeç, dyshohet se ka vrarë me thikë shtetasin Prendush Fusha, 55-vjeç.
https://tiranatoday.com/video-vritet-me-thike-54-vjecari-ne-shkoder/
Pas një konflikti të çastit, autori e ka qëlluar me thikë, dhe më pas është larguar nga vendngjarja. Viktima ka ndërruar jetë rrugës për në spital, pas plagëve të shumta që ka marrë.
55-vjeçari është vrarë me thikë në afërsi të stacionit të trenit. Fillimisht kanë debatuar, më pas autori ka marrë thikën dhe e ka qëlluar. Dy fqinjët kishin prej kohësh konflikte pronësie me njëri-tjetrin, dhe mbrëmjen e djeshme, sherri ka kulmuar pas denoncimit të viktimës në polici për vjedhje.
Njoftimi i policisë:
“Më date 27.08.2018, ora 19.15, jemi njoftuar nga urgjenca Spitalit Rajonal Shkodër se ka ardhur një person i goditur me mjet prerës (thikë), dhe pas pak minutave ka ndërruar jetë, ku nga verifikimet e bëra viktima është shtetasi P. F., 55 -vjeç.
Forca të shumta policie jane vënë në lëvizje, ku nga veprimet e para hetimore mesohet se ngjarja ka ndodhur në lagjen “Mark Lula”, për motive të dobëta, si dhe është identifikuar dhe po punohet për kapjen si autor të dyshuar shtetasi A. P., 30-vjeç.
Në vendngjarje ndodhet grupi hetimor dhe po punohet për sqarimin e rrethanave të kësaj ngjarje”.
Kush është Prendush Fusha?
Në vitin 2013, në banesën e Fushës në Shkodër i është vendosur një sasi eksplozivi, por pa dëme në njerëz. Në kohën kur ka ndodhur sulmi është dyshuar për një prapavijë politike, pasi Fusha njihej si mbështetës i të majtës në qytetin verior.
Viktima ka deklaruar në vitin 2013 se nuk ka patur konflikte me njeri, por vetëm konflikte politike. Ngjarja ngeli e pazbardhur, duke u regjistruar vetëm si një çështje në prokurorinë e Shkodrës.
Ngjarja në afërsi të banesës së Fushës, ndodhi vetëm tri ditë pas vendosjes së eksplozivit në banesën e kryetarit të komunës Postribë, Faz Shabaj.
