Detaje të reja zbardhen nga ngjarja e rëndë që ka ndodhur në Gjermani ku një shqiptar ka vrarë gruan, vajzën dhe veten.
Një nga fqinjët, në një prononcim për “BBV-net.de” tregoi për problemet që kishte pasur çifti më herët, të cilat kanë të bëjnë me divorcin.
“Unë e njoh mirë familjen. Fatkeqësisht ka pasur një mosmarrëveshje për një kohë të gjatë. Ishte në lidhje me divorcin dhe kush duhet të merrte shtëpinë”, shpjegoi babai i një fqinji që kishte ardhur në Danziger Strasse pasi mori vesh për krimin.
Policia gjermane ka ngritur një skuadër për hetimin e vrasjes, ku sipas medieve të huaja bashkëshortja e cila punonte në një kompani donte të ndahej nga burri i saj.
Prej disa kohësh dy bashkëshortët flinin të ndarë ndërsa kohët e fundit burri ishte zhvendosur në një dhomë në bodrum.
