Gjykata e Shkodrës ka caktuar masën e sigurisë “Arrest me burg” për Artan Koçekun, autorin e dyshuar për vrasjen e mikut të tij, Angjelin Shkambit, në dhjetor të 2017.
Pas dy vitesh i shpallur në kërkim, Koçeku ra në prangat e policisë së Shkodrës 3 ditë më parë.
Prokuroria e Shkodër shpjegoi se 29-vjeçari ekzekutoi me plumba në kokë shokun e tij, brenda makinës, për një borxh 30 mijë eurosh.
Mbi Artan Koçekun rëndojnë edhe një sërë akuzash të tjera. Ai rezulton i dënuar me 8 vite burg për akuzën e “Grabitjes me armë” të disa pikave të karburantit në Shkodër.
29-vjeçari paraqitet me precedentë të theksuar kriminalë; ai u arrestua në vitin 2013, si pjesë e një grupit të përbërë prej 4 personash, të cilët grabisnin me armë pika karburantesh. Në atë kohë, policia numëroi 8 pika të grabitura në lagje të ndryshme të qytetit verilindor.
E shkuara kriminale e Koçekut nuk përfundon me kaq. Së bashku me dy persona të tjerë të shpallur në kërkim në atë kohë (Fred Shkembi dhe Tom Gjergji) ishin autorë të vjedhjes së 12 dyqaneve, po në Shkodër.
