Gjykata e Krimeve të Rënda ka dënuar me burgim të përjetshëm David Qosen, i akuzuar për vrasjen e efektivit të policisë Ardian Kodra.
Ngjarja ka ndodhur në Torovicë të Lezhës. Qosja njihej në zonë si një person me probleme mendore.
E gjithë ngjarja nisi, kur në Malin e Torovicës u konstatua një vatër zjarri, e cila sipas banorëve të zonës ishte ndezur për shkak të të shtënave me armë të të riut.
Në vendin e ngjarjes shkuan forca të shumta të policisë, të cilat i bënë thirrje atij të dorëzohej, por kanë hasur në kundërshtimin e 30 – vjeçarit, i cili ka qëlluar në drejtim të uniformave blu duke arritur të futet në banesën e tij.
