Krimineli shqiptar Erjon Sejdiraj, tashmë 40-vjeç , i dënuar për vrasjen e një prostitute tashmë ai do të duhet të përballet me një dënim shtesë. Në vitin 2015, në atë kohë 37-vjeç ai u arrestua nga policia italiane në bashkëpunim Interpolit pasi akuzohej për grabitjen, përdhunimin dhe vrasjen e një prostitute në Itali, 19 vite më parë, pikërisht në dhjetor të vitit 1999.
Viktima e cila u vra dhe u varros nga shqiptari në lumit Po, në Piancenza ishte një prostitutë, e identifikuar si Ponce Ramirez nga Ekuadori.
Sipas mediave italiane, Sejdiraj pas kryerjes së vrasjes ishte larguar në drejtim të Belgjikës.
Ka qenë një telefonatë që ai ka bërë me prindërit e të tij që jetojnë në Itali, që policia të vihej në gjurmët e vendndodhjes së tij.
Policia i kishte nisur hetimet fillimisht në Ferrara të Italisë e më pas kërkimet ishin fokusuar në Belgjikë. Atje Sejdiraj kishte nisur një jetë të re me gruan dhe tre fëmijët tij.
Për krimin e kryer dhe për përfshirjen në grupe prostitucioni në Itali, shqiptari ishte dënuar me burg të përjetshëm në mungesë. Ndërsa dy bashkëpunëtorët e tij, Robert Ziu dhe Fatmir Vangjelai ishin dënuar me 23 vite burg.
Erjon Sejdiraj kishte bërë një jetë të dyfishtë në Geluwe të Belgjikës për vite me radhë. Ai është ekstraduar nga Belgjika në Itali dhe më pas nga Italia për në Belgjikë, ku të hënën ka dalë para gjykatës së Ypres.
Përveç akuzave nga ana e autoriteteve italiane, ai akuzohet edhe nga autoritete belge, për falsifikim, emërtim të rremë dhe mashtrim. Përveç dënimit të lëshuar nga ana e autoritete Italiane, Sejdiraj do të përballet edhe me një dënim shtesë si dhe ka humbur shtetësinë belge. Me një emër të rremë dhe një datë të rreme të lindjes, Sejdiraj mundi të merrte azil në Belgjikë.
Erjon Sejdiraj, i lindur më 3 prill 1978 në qytetin bregdetar të Vlorës në Shqipëri, arriti në GeluWe në vitin 2006. Ai ndiqej në atë kohë nga policia italiane.
Pas dënimit me burgim të përjetshëm të dhënë në mungesë nga Italia, bashkë me dy bashkëpunëtorët kishte dalë para gjykatës në Bolonjës, ku Erjon Sejdiraj u dënuam me 30 vjet burg dhe dy të tjerët me nga 23-vjet secili.
Në vitin 2003 Sejdiraj ishte martuar me Evelyne P. nga Geluwe. Çifti kishte tre fëmijë. Nën një emër të rremë vrasësi ishte një punëtor ndërtimi dhe bënte një jetë të dyfishtë, të cilën ai kishte mbajtur të fshehur edhe gruas së tij gjatë gjithë kësaj kohe.
Pasi u ndalua në Belgjikë ndaj tij filloi proceduar e ekstradimit. Avokati i tij nuk pranoi ekstradim,dhe donte që klienti i tij ta vuante dënimin në Belgjikë, në mënyrë që të ishte më afër familjes së tij. Shqiptari mori dritën jeshile nga Dhoma e Aktakuzës së Ghentit. Prokuroria publike bëri apel kundër tij, por apeli u refuzua.
Aktet zyrtare
Ndërkohë, Erjon Sejdiraj kundërshtoi gjykimin e tij të paracaktuar në Bolonjë. Pas ekstradimit të tij nga Italia, një gjyq i ri e priste. Autoritete belge e dënuam me 20 vjet burg plus. Ai u ekstradua nga burgu i Milanos për në burgun e Saint-Gilles në Belgjikë. “Klienti im duhet të justifikohet tani përpara gjykatës së Ypres për falsifikim, emërtim të rremë dhe mashtrim”, tha Joke Van Belle, avokati mbrojtës Sejdirajt.
Ndërkohë, shqiptari ka bërë një tjetër kërkesë për t’u transferim në burgun e Oudenaarde. “Ai do të jetë më afër familjes së tij atje, e cila ende e mbështet “, thotë Joke Van Belle.
Burimi: hln.be
Përshtati: Tirana Today
