Policia e Kukësit ka arrestuar një 75-vjeçar i cili dyshohet se është autor i vrasjes së bashkëshortes së tij. Krimi i rëndë ka ndodhur më 4 prill në fshatin Borje, në banesën e çiftit.
Shtetasi Adem Tale dyshohet se për motive të dobëta ka vrarë me mjete të forta shtetasen me inicialet Z.T., 68 vjeçe. Deri më tani nuk dihen rrethanat e ngjarjes në fjalë si dhe motivet që çuan të moshuarin të vrasë gruan, ndërkohë policia po heton.
NJOFTIMI I POLICISE
Policia e Kukësit ndalon 75 vjeçarin, i cili dyshohet si autori i vrasjes së bashkëshortes së tij, ngjarje e ndodhur më datën 04.04.2018 në fshatin Borje.
Specialistët e Seksionit Kundër Krimeve ndaj Jetës dhe Lirisë së Personit, bënë kapjen dhe ndalimin e shtetasit;
-Adem Tale, 75 vjeç, banues në fshatin Borje.
Më datën 04.04.2018, në orën 23:16, në fshatin Borje, shtetasi Adem Tale, dyshohet se për motive të dobëta, në banesë ka vrarë me mjete të forta, bashkëshorten e tij, shtetasen Z.T, 68 vjeçe. Materialet i kaluan Prokurorisë së Rrethit Gjyësor Kukës, për veprime të mëtejshme.
