Gazetari Artan Hoxha ka zbuluar detaje të reja në lidhje me vrasjen e Gentian dhe Nezir Beqirit, të cilët u ekzekutuan në banesën e tyre më 15 gusht 2012.
Sipas tij, Ervis Bardhi, i cili është i dyshuari kryesor për vrasjen e tyre, është transferuar nga burgu 302 në një dhomë sigurie. Hoxha shton se Bardhi është transferuar nën statusin e dëshmitarit të mbrojtur, pasi dëshmia e tij mund të zbardhë edhe shumë ngjarje të tjera kriminale.
Më tej, gazetari dha edhe detaje sa i përket momentit të arrestimit të Ervis Bardhit, pasi kishte kryer vrasjen për të cilën sipas tij, janë paguar me para dhe me 200 kg kanabis.
Artan Hoxha tha se policia e kishte ndaluar këtë ngarkesë në një makinë ku ai ndodhej bashkë me Gentian Malindin, i cili kërkohet nga policia lidhur me kontenierët me drogë që vinin nga Ekuadori në portin e Durrësit.
“Ervis Bardhi është një person i arrestuar për atentatin e 15 gushtit ku u vranë Gentian Beqiri dhe babai i tij. Gentian Beqiri është vrarë në gjumë dhe për këtë ngjarje janë arrestuar Florenc Çapja dhe një person tjetër. Ai ishte larguar drejt Maqedonisë dhe është kthyer pak pasi ka ndodhur ngjarja. Kjo bëri që ai të lirohet. Në vendngjarje është gjetur një celular që i përket Ervis Bardhit. Ai është identifikuar ai autori i Gentian Beqirit. Katër persona, dy prej të cilëve në rolin e vëzhguesit kanë kryer vrasjen. Ata kanë pritur të dalë motra me të fejuarën. Derën ia ka hapur babai Nezir Beqiri”, u shpreh gazetari.
