Gjergj Kastrioti Skënderbeu, është figura më e shquar në historinë e Shqipërisë, dhe midis figurave më të shquara të Evropës. Për 25 vjet rresht, ai mbajti larg Shqipërisë ushtrinë e Perandorisë Osmane, duke e thyer atë në 29 nga 30 betejat e zhvilluara. Nga dëshmitë e kohës, besohet se Skënderbeu ishte shtatshkurtër, por më nje trup të zhvilluar.
Në luftime përdorte dy shpata, me peshë 1.3 dhe 3.2 kg. Llogaritet që gjatë gjithë betejave të zhvilluara në jetën e tij, Skënderbeu të ketë vrarë personalisht 3 mijë ushtarë armiq. E vetmja betejë e humbur kundër turqve, ishte ajo e Beratit. Dhe kjo falë tradhëtisë së nipit të tij, Hamza Kastrioti.
Skënderbeu e cilësonte veten si “pasardhës të Pirros së Epirit”. Papa Piu II tentoi dy herë të vinte në Shqipëri për ta kurorëzuar mbret, por s’mundi si pasojë e betejave të vazhdueshme. Ballaban Pasha ishte gjenerali i ushtrisë turke, që u përball më shumë herë me Skënderbeun në fushën e betejës. Ballabani ishte vetë shqiptar, dhe i vetmi që e njihte taktikat e luftës së Skënderbeut.
Ai vrau 8 nga komandantët kryesorë të prijësit të madh shqiptar. Vetëm një dekadë pas vdekjes së së tij, e gjithë Shqipëria ra sërish nën pushtimin turk. Pas pushtimit të Krujës, varri i Skënderbeut u përdhos. Jeniçerët rrëmbyen eshtrat e tij, dhe i varën në qafë si hamajli.
