Ish-kryeministri, Sali Berisha tha sonte se mund të kishte qenë ai që do kishte shkrehur armët kundër protestuesve nëse nuk do ta bënte garda. I ftuar në emisionin “Real Story”,Berisha tha se Garda bëri detyrën që i takon në bazë të ligjit.
Lideri historik i PD-së deklaroi se ndjen dhimbje për viktimat e 21 janarit, por garda ka bërë detyrën sepse është sulmuar Kryeministria dhe kryeministri që ishte në zyrë.
“Nuk kam asnjë lloje shqetësimi, vetëm dhimbje për viktimat e 21 Janarit, sepse kam qenë në zyrën time, i sulmuar. Garda bëri detyrën që i takon në bazë të ligjit, shikoni ligjin. Ata ishin brenda rregullores, në mos garda mund të ishte dhe gishti i Sali Berishës,” deklaroi Sali Berisha.
