Sa i takon vrasjes së dyfishtë në Shkodër, burimet paraprake thonë se gruaja mbante në prehër foshnjën 12-muajshe kur është qëlluar me armë.
Ngjarja ka ndodhur në vendin e quajtur “Rruga e Gjerë”, pranë pallatit ku çifti Brecani kishte marrë një apartament me qira.
Familja Brecani ka qenë duke u kthyer në banesë. Sapo Burhan Brecani ka parkuar mjetin, ata janë qëlluar me armë zjarri, tip pistoletë.
Nga të shtënat kanë mbetur të vdekur në vend burrë e grua. Po kështu burimet shtojnë se bashkë me ta në makinë ka qenë edhe fëmija i çiftit, rreth një vjeç, por fatmirësisht nuk ka pësuar lëndime.
