Kur kanë kaluar një javë nga vrasja e Devi Kasmit, policia dhe gjykata kanë vijuar me procedimet dhe hetimet në lidhje me autorët e vrasjes.
Gjykata ka dhënë masën e sigurisë “arrest me burg” për grekun Eftimiu Eftimius dhe të arrestuarit e tjerë. Sipas gazetës “Ekathimerini”, urdhri për vrasjen e Devi Kasmit është dhënë nga të burgosurit shqiptarë në burgun grek, këtë informacion gazeta e bazon në burime të sigurta-shkruan Tirana Today.
Greku i arrestuar ka mohuar akuzat para trupit gjykues, ndërsa si garanci ka ofruar 10,000 euro në për lirimin e tij, por kjo kërkesë është refuzuar nga gjykata. Tre shtetas shqiptarë janë arrestuar në lidhje me rastin, ndërsa policia po kërkon një të dyshuar të katërt. I dyshuari kryesor është shtetasi grek, i cili u përjashtua nga Forcat Speciale të Policisë Greke në 2011 pasi ishte lidhur me të paktën tre raste të trafikut të drogës-shkruan Tirana Today.
Të arrestuarit për vrasjen e Devi Kasmit
Malvin Dinellari, 30 vjeç, lindur në Korçë e banues në Tiranë;
Elton Halipaj, 36 vjeç, lindur në Skrapar e banues në Tiranë;
Elton Hoxhallari, 36 vjeç, lindur e banues në Tiranë.
Efthymiou Efthymious, 41 vjeç, lindur e banues Arta Greqi. Gjithashtu u shpall në kërkim shtetasi (Altin) Aurel Hoxhallari, 41 vjeç, lindur e banues Tiranë. TIRANA TODAY
