Hetuesit kanë shpallur në kërkim Dervis Arapin, pasi mund të ketë dijeni për vrasjen e Jurgen Kurtit. Në bazë të verifikimeve në sistemin TIMS, ai ndodhet aktualisht në Itali. Hera e fundit që ka shkelur në tokën shqiptare, ka qenë në muajin janar. 33-vjeçari duhet të paraqitet në polici, për të dhënë informacione lidhur me ngjarjen e rëndë, ku në pritë poshtë shtëpisë humbi jetën Jurgen Kurti.
Nisur nga precedenti i dy viteve më parë, kur Jurgen Kurti u dyshua si i përfshirë në vrasjen e tregtarit Agim Arapi, në Durrës, pista e parë e ngritur nga uniformat blu ka qenë ajo e hakmarrjes.
Për këtë arsye është sekuestruar dhe po verifikohet telefoni i 26-vjeçarit Kurti, që mund të shërbejë për hetimin.
