Xhaxhai i Indrit Çelës, teknikut të kondicioneri që u ekzekutua në vendin e punës, ka hedhur akuza ndaj policisë së Tiranës. Sipas tij, uniformat blu kanë shkuar në vendngjarje 1 orë me vonesë.
I ndodhur në studion e emisionit ‘Me zemër të hapur’, xhaxhai i 26-vjeçarit të ndjerë, thekson se policia ka fshehu ngjarjen, ndërsa e cilëson një skandal.
“Ça të hajë dhe të pijë nëna kur të ikën një fëmijë. E çon djalin në punë dhe e vrasin. Është skandal. Edhe në kohën e luftës s’të vrisnin kështu. Të vrasin pas shpine është çmenduri. Unë e kam marrë vesh nga policia e Ballshit. Vëllai kishte dërguar gruan në Tiranë tek djali dhe nuk e besonte. I kam thënë vëllait që djali është në spital dhe po operohet. Kur shkuam në Tiranë… nuk di.. nuk kam fjalë të themi. Ta marrësh në punë dhe ta vrasësh në shtëpi dhe shteti nuk vë dorë, kjo është skandaloze. Kam informacionet e mia se aty policia ka ardhur 1 orë më vonë. Pse ka shkuar 1 orë me vonesë?”, tha Kleanthi Çela.
