Kërkohet burg përjetë për 3 anëtarët e grupit që akuzohen për vrasjen e policit Ibrahim Basha. Prokuroria ka lexuar sot pretencën për grupin në fjalë, teksa akuzohen për vrasjen e Bashës, të ndodhur më 24 qershor 2015.
Konkretisht, organi i akuzës kërkon burgim përjetë, për Arbion Alikon, Bajram dhe Elvis Bocia. Kjo ka shkaktuar tension në sallën e gjyqit, pasi familjarët e tyre janë irrituar.
Ndërkohë, për Arbion Alikon Prokuroria ka kërkuar 35 vite burg, por për shkak të moshës, këtij të fundit dënimi i kërkuar ulet në 17 vjet e 6 muaj burg. E njëjta kërkesë për dënim vlen dhe për Elton Kazmën.
Ndërkaq, 18 vjet burg janë kërkuar për Dervish Gabën, Ruhan Hirën dhe Iljaz Xhaferrajn.
Për Xhulio Malon është kërkuar 20 vjet burg, i cili për shkak të moshës ulet në 10 vjet, shkruan TCH. Për Klodian Selimin kërkohet 10 vjet burg, ndërsa për Oltion Prokon 18 vjet, të cilit për shkak të moshës i ulet në tetë vjet.
