Policia greke ka publikuar të dhëna mbi shqiptarët që vodhën dhe vranë biznesmenin grek, Aleksandros Stamatiadis.
Policia greke bën me dije se shqiptarët e shpallur në kërkim janë T.K., i cili dyshohet se ka ikur në Shqipëri dhe A.F., i cili dyshohet se është fshehur në një vend në Evropën Veriore.
Vrasja e biznesmenit grek ndodhi më 2 prill 2018, ndërsa pak ditë më parë u kap një nga autorët, konkretisht shqiptari Genc Pepa në Belgjikë. Ai jetonte prej vitesh në Greqi dhe zyrtarisht aktivizohej si organizator koncertesh me këngëtarë shqiptarë për emigrantët.
Operacioni për arrestimin e autorëve të 52-vjeçarit grek u titullua “Derri i egër” dhe ka qenë pikërisht dobësia e Pepas për gjuetinë e derrave të egër dhe fotot në “Facebook” që kanë lehtësuar punën e policisë për identifikimin e tij dhe të bandës së hajdutëve.
