Sekretari i Përgjithshëm i LSI, Endrit Braimllari, është zëri i radhës që i është bashkuar mesazheve ngushëlluese pas vrasjes së një efektivi. Ai fajëson qeverinë, duke ia faturuar fajin për gjendjen në të cilën ndodhet sot policia.
Braimllari ka dalë në konkluzionin se Policia e Shtetit është më e pamotivuar, dhe më e pa mbështetur se kurrë nga qeveria. Për fat të keq, krimi ka goditur policinë dhe duke shuar një tjetër hero në radhët e saj.
Oficeri i krimeve Saimir Hoxha u vra mëngjesin e sotëm me një plumb në zemër, nga një i ri, teksa po kryente një operacion rutinë kundër kultivimit të kanabisit në zonë. Hoxha u qëllua teksa ndaloi makinën ku ndodhej 21-vjeçari Aldo Rama me dy të tjerë. Ndërkohë që i bëri shenjë makinës të ndalonte, Rama nxorri armën duke e qëlluar shefin e krimeve me një plumb në zemër, i cili edhe i shkaktoi vdekjen.
Statusi
“Ngjarja e rende e ndodhur sot ne Lezhe ku humbi jeten Nenkomisari Sajmir Hoxha tregon se ku e ka katandisur Policine e Shtetit, Rilindja.
Sot, Policia e Shtetit eshte me e pamotivuar dhe me e pa mbeshtetur se kurre nga qeveria.
Efektivet e ndershem qe duan te ruajne rendin dhe sigurine publike, te luftojne aktivitetet kriminale sabotohen per shkak te lidhjes se kesaj qeverie me krimin e organizuar.
Pas 100- diteshit te vendosur si ultimatum nga kryeministri Rama per Policine e Shtetit, ku policia duhet te godiste krimin, krimi sot ka guxuar serish duke goditur policine dhe duke shtuar nje tjeter hero ne radhet e saj.
I shpreh ngushellime familjes se Sajmir Hoxhes, te afermeve dhe te gjithe kolegeve te tij!
