Kuvendi i Shqipërisë, në seancën e sotme plenare ka votuar Elsa Toskën dhe Fiona Papajorgjin, si anëtare të Gjykatës Kushtetuese.
Ndërsa Arta Vorpsi është shpallur e emëruar më herët si anëtare të Gjykatës Kushtetuese. GJK përbëhet tani nga 4 anëtarë: Besnik Muçi, Arta Vorpsi, Elsa Toska dhe Fiona Papajorgji.
Elsa Toska dhe Fjona Papajorgji, dy anëtaret e reja të Gjykatës Kushtetuese
Elsa Toska dhe Fjona Papajorgji minimalisht duhet të merrnin nga 84 vota, por ato janë votuar me 105 vota nga deputetët e Kuvendit.
Elsa Toska-105 vota pro, 2 kundër, 9 abstenim, 2 nuk kanë votuar.
Fjona Papajorgji -105 vota pro, 3 kundër, 8 abstenim, 2 nuk kanë marrë pjesë në votim.
Kreu i Kuvendit, Gramoz Ruçi, e cilësoi si të rregullt procedurën për zgjedhjen e dy kandidaturave.
Sakaq, Arta Vorpsi u emërua automatikisht si anëtare e Gjykatës Kushtetuese, e cila nuk u caktua nga Meta si anëtare e dytë e GJK-së me arsyetimin se KED-ja kishte sjellë listat e kandidatëve me vonesë. Duke qenë se Vorpsi u rendit e para në garën për vakancën e dytë e hapur nga KED-ja, ajo merr automatikisht mandatin e anëtares së Gjykatë Kushtetuese.
Gjatë seancës së sotme nuk munguan debatet. Deputetja Rudina Hajdari deklaroi se listat ishin problematike.
Ndërsa Taulant Balla Balla u shpreh se Meta kërkon të emërojë në Kushtetuese, bashkëjetuesen e Alibeajt.
