Kryeministri Edi Rama përgjatë një komunikimi virtual me Këshillin Koordinues të Diasporës theksoi se për votën e Diasporës nuk mungon vullneti.
“Kontakti i drejtpërdrejtë me kryeministrinë nuk ka munguar dhe nga ana tjetër më vjen keq që keni vënë në dyshim vullnetin tonë.
Një sqarim për procesin e deritanishëm në rrethanat aktuale në një kontekst më të gjerë.
Për këtë arsye janë ftuar edhe disa prej ministrave të cilët janë të përfshirë në këtë proces dhe ndërkohë duhet të them paraprakisht se së pari ky është një angazhim i programuar dhe publik i marrë prej nesh.
Së dytë kemi punuar në funksion të këtij angazhimi paralelisht me procesin politik.
Është një proces i vonuar për Reformën Zgjedhore.
Së treti për të nënvizuar që nuk na ka munguar dhe as na mungon vullneti politik për të analizuar këtë objektiv si i një rëndësie të veçantë që lidhen me mjedisin dhe me kornizën e zhvillimit të zgjedhjeve në Shqipëri”, u shpreh Kreu i Qeverisë.
https://www.facebook.com/edirama.al/videos/869614246875486/
