Presidentja e KE-së, Ursula von der Leyen i ka bërë thirrje qytetarëve nga mbarë Evropa që të mos planifikojnë pushime verore jashtë vendeve të tyre, pas nuk dihet sesa kjo pandemi do të zgjasë.
Ajo tha se nuk mund të bëhen parashikime për muajin korrik dhe gusht. Më tej, Von der Leyen paralajmëroi se ndoshta deri vitin tjetër evropianët do të duhet të jetojnë me këtë virus.
“Do ju këshillojë të gjithëve të prisni përpara se të bëni plane për pushime. Në këtë moment asnjë nuk mund të bëjë parashikime për korrikun dhe gushtin. Ne duhet të mësojmë të jetojmë me këtë virus për muaj, ndoshta deri vitin tjetër”, tha Von der Leyen.
Evropa është kontinenti më i prekur nga koronavirusi. Italia, Franca, Spanja, Mbretëria e Bashkuar apo Gjermania janë disa nga vendet më të prekura nga COVID-19.
Mbi 1,8 milionë njerëz nga e gjithë bota janë prekur nga koronavirusi, ndërsa më shumë se 115 mijë persona kanë humbur jetën.
